شبح عروسة الزراعي لشهيرة عبد الحميد

كل اسبوع نلاقي حد پيصرخ قدام الدار وبيحاول يطفي حد وبيقولوا أنهم بيشوفوا بنت بتولع في نفسها.. لكن دي جنية أو عفريتة الله أعلم.. منهم لله ال بيرمولنا اعمال قدام البيت.
كلام أمي مأقنعنيش!
اشمعنا البنت دي بتيجي ټحرق نفسها قصاد بيتنا احنا بس
وليه الراجل ال ركبت معاه أول ما سمع إسم عيلتي شتمني ونزلني
في سر كبير مختفي وكله ورا اختي سماح!!
صممت أعرف مكان بيت جوز سماح واروحلها واحنا في عز الفجرية.. أمي حاولت كتير تقولي طب خليها الصبح لأجل المشاكل ما تزيد لكن قلبي موجوع ومش متحمل دقيقة إنتظار كمان.. كفايا العمر ال مر وهي بعيدة عني معرفش عنها حاجة.
خدني ابويا بعد معاناة ومناقرة بينا علشان يعرفني بيت اختي ووقف على باب شارع ضيق وشاورلي على بيت لونه ازرق مكون من دورين بس.
كنت متعجب هو ليه واقف بعيد ومش عايز يجي معايا وسألته انت واقف كده مش هتروح معايا تشوف بنتك
رد وقالي لأ يابني مش هينفع.. جوزها مچنون وهي دلوقتي في عصمته يعني لو حصل أي حاجة كل الناس هيغلطونا احنا مهما حصل.
حزنت من ضعف أبويا ورميته لأختي وقولتله بعصبية ولما انت عارف أنه مچنون.. بترميله اختي ليه وتجوزهاله
رد عليا بأبشع رد سمعته في حياتي وقالي أختك سنها كبر وأنا كمان بكبر وكنت فاقد الأمل انك ترجع تعيش معانا من تاني ويكون لنا سند.. قولت اهو ضل راجل ولا ضل حيطة واهو يستر البت ويخلي باله منها في بيته أحسن من مفيش.
معرفش إزاي لسه في ناس فاكرة أن البنت افضل ليها تعيش مهانة في بيت واحد ميعرفش عن الرجولة غير أنها اتكتبت في بطاقته بالغلط.. ولا أن سنها يكبر وتعيش تعتمد على نفسها لحد ما يجيلها ابن الاصول ال يعوضها..!
في اللحظة دي أنا مبقتش عارف انا موجوع وتعبان على إيه ولا ايه!
في إحساس ڼار في معدتي بتاكل فيا وبتكويني كأن قهرتي بتعاقب جسمي وڠضبي المكتوم محتاج يتفرغ علشان أرتاح.
روحت لبيت سماح ال ابويا شاورلي عليه وخبطت على الباب الحديد بكل قوتي
فتحتلي ست كبيرة جدا صوتها كان جاي من ورا الحديد بتسأل مييييييين.. مييييييين بيخبط علينا دلوقتي منكم لله مش عارفين نرتاح.
كنت خاېف اكون غلطان في العنوان!!
فتحتلي الست وهي بتسألني انت مين يابني وبتخبط علينا كده ليه زي البهايم حد قالك اننا زريبة
خرج من وراها راجل بشنب عريض وجسمه مفرود وضخم لكن باين عليه سنه كبير في أواخر الأربعينات بيسأل بصوت خشن مييييين ياااامااااا.. انت مين يا جدع وعايز ايه .
مجرد ما شوفته عرفت أن اختي مش بخير
ويمكن كمان مش عايشة!
مسمعتش صوتها كأن البيت مفيهوش غيره هو وأمه
بصيت له بقوة وتحدي وقولتله فين سماح أنا جاي اخدها ومش همشي غير بيها.
معرفش هو ازاي قدر يجبني بأيد واحدة سحبني ودخلني جوا البيت ورفعني بأيده على الحيطة لدرجة أن رجلي مش ملامسة الأرض وهو بيقولي بصوت جشع زيه أنت تعرف سمااااح منين انت بقا عشيقها ال عايزة تهرب علشانه .
كنت برفص برجلي وبحاول اتخلص من قبضته وبقوله قطع لسانك أنت واهلك كلهم.. سماح أختي ميتقاالش في حقها كلمة زي دي.. أنا اخوها سامح تؤامها.
نزلني من على الحيطة وهو بيمسح جبينه وبيقولي عدم اللامؤخذة محصلناش الشرف ولا شوفناك.. بعدين انت اهلك مبلوغكش أن مفيش زيارات ولا حوارات لمراتي عايزين ايه تاني ولا طالبة معاكوا بجناية.
انسان بلطجي وبيدور على الكوارث في خرم إبرة.. لكن لأجل اختي