فطين وميشو بقلم شهيرة عبد الحميد

شديدة عندك اجيب دكتور واجيلك طيب.
لهفة كلامه كانت جميلة وطمنتني لأبعد الحدود.. مفيش شخص قدملي الحب ال من نوعية الأفعال دي قبل كده.
معرفش إزاي أخته تسنيم كانت بتقول عليه متشدد ومعقد قبل ما اعرفه..
لكني للأسف عرفت بعد اسبوعين...!
شخص زميلي من الشغل بعتلي رسالة حوالي الساعة اتنين بليل وانا في مكالمة مع عمر.. رديت على زميلي وقولتله بكرا بإذن الله نحل المشكلة في الشغل خليها على الله وقفلت.
وفي وسط كلامي مع عمر قولتله محمود زميلي لسه كان بيكلمني دلوقتي بيقولي في مشكلة كذا كذا في الشغل ادعيلي الدنيا متبوظش.
ولقيت عمر اتحول تماما لشخص تاني!!
ازاي زميلك يبعتلك في وقت متأخر زي ده
تردي عليه قبل ما تقوليلي يعني ينفع
مفيش حاجة اسمها زميلي وليه يبعتلك انتي بالتحديد
بعد كده لو حد بعتلك تبلغيني قبل ما تردي
مقدرتش احكم وقتها دي غيرة ولا تحكم بزيادة
وليه كل شخص اعرفه لازم يكون فيه عيب بالشكل ده
للأسف المرادي مش قادرة اتعامل زي كل مرة وأجري على ماما اقولها مفيش نصيب لأني فعلا حبيته واتعلقت بيه
المشكلة كبرت بينا وصحيت تاني يوم مخصماه مبعتلوش لكنه بعتلي وكأن محصلش حاجة وقالي صباح الخير يا اشرقت.. اوعي تفكري أن علشان في خلاف بينا إني هعرف اعدي يومي من غير ما اطمن عليكي.. لو هخاصمك لأني غيران عليكي ك حبيبتي هطمن عليكي ك بنتي ال مقدرش تغيب عن عيني يوم كامل.. صباحك فل يا باشا.
يااااه قد إيه النوعية اللينة دي بتقدر تدوب جبال من العند والخصام عند الست.
قد إيه حسيت أن فعلا معاه حق ومش من حق زميلي يبعتلي متأخر ولا أرد عليه.
ابتديت أخد صفه وأشوف عيب التشدد هو ميزة لراجل قابض على دينه وغيور على أهل بيته مش زي نسخ كتير حوالينا بيتباهوا بعرض نساءهم.
اتكلمنا بليل بعد ما خلصنا يومنا واعتذرتله وبدأت أشوف عمر بنظرة تانية تماما من اليوم ده.
قبل خطوبتنا بأسبوع لقيت عمر داخل بيزعقلي أني نزلت استوري على انستجرام مطلعة أيدي من شباك العربية وعليها اغنية وقابلتك أنت لقيتك بتغير كل حياتي.
كنت فاكرة أن الاستوري دي هتبسطه وهيكون فرحان بالتلميح في الكلمات.. لكنه للأسف غسلني وقالي أغاني وموسيقى يا اشرقت انتي قد ذنوب الموسيقى وايه ايدك دي ايه لزمتها تصوري ايدك وضوافرك ملونة انتي ازاي بتصلي بالضوافر دي أنا عايز افهم وليه ضوافرك طويلة أصلا هو انتي شيطانة.
اتكسفت بشكل مبالغ وحذفت الاستوري وقولتله على فكرة عادي كل الناس بتحط استوري اغاني يعني متوقعتش انك تزعل وتعمل كل الاوڤر ده.. بعدين ما في مزيل للضوافر عادي احنا كبنات بنحب كده.
النقاش فضل مستمر عن حرمانية الاغاني وطلاء الأظافر إلخ...
وبجد وقتها ابتديت احس بخنقة زيادة.
ليه كل حاجة حرام حرام
ليه نعسر الدنيا بالشكل ده
وبرغم مميزات
عمر إلا أني ابتديت اخاڤ من الحياة معاه وقررت مكالمة بليل تكون نهاية لعلاقتنا قبل خطوة الخطوبة والإعلان.
_ازيك يا عمر
ايه الصوت ده مالك
_مفيش
اممممم عموما أنا مستعد اسألك مالك لحد بكرا مش هزهق
_عمر انت متشدد بزيادة في تفاصيل صغيرة وده عيب صعب التأقلم عليه مانا بشړ وطبيعي هغلط.
كلنا بنغلط ومذنبين يا اشرقت ودي طبيعة بشړية بس هل المفروض نبعد عن أي شخص بينبهنا للصح
_لا.. بس انت...
عايزة تبعدي وتتراجعي عن الخطوبة
_...... مش عارفة أقولك إيه.. أنا خاېفة الحياة تكون صعبة معاك و....
متكمليش أنا فاهمك
_هتمشي
عيوبي هتكون صعبة عليكي يا أشرقت وانا عايز ست أكرمها متحسسنيش اني اختيار مؤذي ليها ابدا.
_طب مش العيوب بتتصلح
لأ.. طالما العيب في شخص بينصحك في دينك معتقدش في يوم ممكن اسيبك تعملي حاجة حرام حتى لو قد النمنمة..
_قصدك أنك بتمنعني من الشئ لو حرام فقط
طبعا وكتاب ربنا موجود أقدر في كل مرة اثبت لك منه واوعيكي لحد ما تقتنعي لوحدك.
_طب انت حجزت تورتة الخطوبة
يابنتي بطلي افترا بقا بتلعبي بأعصابي ليه
_متحاولش تعمل فيها فطين وانت ميشو
أنا ميشو فعلا
لكن علشانك عايز أكون فطين.
ومن وقتها لما بيحصل أي خلاف بيني وبين عمر بيهون وبيعدي بخفة الريشة
اولا لأني استوعبت أن عمر في كل مرة بيقويني على ديني ويوعيني وبيخاف عليا.
ثانيا لأن مفيش راجل بلا عيوب.. المهم نختار ال عيوبه نقدر نعيش بيها ونقبلها
گ شهيرة_عبدالحميد.