روم جيم الجزء الثاني بقلم شهيرة عبد الحميد

فتحت امي الباب ودخلت وخدت الكوباية منها وانا بدعك فى عيني وقبل ما ابصلها لقيت صوت شيطاني بيقولي مكملناش اللعبة...
بصيت لقيته نفس الشيطان اللي كان هناك في البيت المهجور اتنفضت ورجعت لورا لحد ما وقعت من ع السرير وكملت زحف وهو واقف ثابت
معرفتش اعمل اي حاجة غير اني اتكور مكاني وخبيت راسي وانا پصرخ بهيسترية ومش قادرة انطق كلمة على بعضها
لقيت ماما جاية بتجري عليا وهي مخضۏضة و بتحضني وبتحاول تهديني وهي بتقولي بفزع اي اللي حصل في اي يا مروة
فضلت اشاورلها مكان الشيطان واقولها هناك واقف هناك بصت حواليها وهي بتقولي أن مفيش حد مكان ما بشاور وأنه مجرد كابوس بسبب الألعاب الزفت اللي بنزلها مع صحابي عيني بقت تدور ف الغرفة كلها بدور على اللي شوفته من شوية ملقتش حد اختفى وكأنه كابوس فعلا زي ما بتقول ماما.
رجعت لسريري وماما اطمنت عليا وخرجت وسابتني حاولت انام وارتاح لكن عقلي رافض وضربات قلبي مهديتش جه ف بالي الرسالة اللي جتلي م البيدج قولت افتح واتأكد هو حقيقة ولا خيال فتحت ولقيت رسالة منهم بتقول حضرتك مجتيش ليه ميعاد الحجز
إزاي ازاي مروحتش الحجز اومال أنا روحت فين واي البيت اللي دخلته ده مقدرتش ارتاح غير ما افهم وبعتلهم قولتلهم ممكن لوكيشن
حبيت أتأكد اللوكيشن ده هو اللي روحته ولا لاء بعتهولي ولقيته مكان تاني خالص غير اللي نزلت فيه وعشان اقدر أشيل فكرة الړعب واللي حصل قررت اروح تاني لكن المرادي هاخد صحبتي معايا عشان