اخي التوأم الجزء الثاني بقلم شهيرة عبد الحميد

لنا أي تكذيب وخرافات
لكن للأسف
مفيش جديد لا أنا قدرت افتكر حقيقة مۏت أخويا ولا عامر قدر يفتكر حقيقة اختفاء بنته
الإحباط اتملك مننا ولقيت نفسي بعتذرله وبقوله أنت كان معاك حق لما طلبت مني اروح لدكتور نفسي أنا أسف إني رجعتك لنقطة الصفر معايا
وقبل ما نتحرك علشان نغادر المكان عيني راحت لسور عالي مليان بالاشجار ده نفس السور اللي حذرنا والدي وقتها وقال محدش يروح هناك
وقفت افتكر كويس ولقيتني بقول لعامر السور ده وراه سر عجيب حذرني منه والدي زمان تيجي نروح هناك
عامر بص ناحية السور شوية في صمت وقالي أنا بردو حاسس إني عايز اروح هناك ومعرفش السبب
الاحساس كان متبادل بينا وبالفعل روحنا كان سور عالي وله بوابة حديدة الصدأ أكلها
المكان كله هادي على عكس باقي القناطر وكأن كل الموجودين عارفين أنه منطقة خطړ
قبل ما ندخل لقينا راجل جاي بيجري من بعيد وبيشاورلنا رايحين فين يا افندية رايحين فين الله يهديكوا
رد عامر وقاله هو ممنوع ندخل هنا
جاوبنا وهو بياخد أنفاسه بصعوبة من الجري وقالنا لا مش ممنوع بس بلاش دي منطقة ملعۏنة اللي بيدخلها يا بېموت يا بينتحر يا بيتجنن دي مقاپر قديمة ومقفولة على أسرارها الله يهديكوا ارجعوا وبلاش تدخلوا
أنا وعمار بصينا لبعض وأحنا متأكدين أن كل اللي حصلنا بسبب المقاپر والمكان ده ودخلنا رغم محاولة الراجل البسيط في منعنا
وانا ماشي حسيت بهمس وصوت ضعيف بيناديلي صوت من طفولتي انا عارفه كويس بيقولي رشاد
رشاد مش رشيد!
كملت مشي تجاه الصوت وأنا مش حاسس بأي مشاعر للخوف وكل اللي يهمني إني ألاقي الحقيقة وافهم
وصلني الصوت وخدني عند بحيرة لونها اخضر وكلها ژبالة ومتلوسة وفيها سمك اسود كتير
المكان مكنش شبه المقاپر ولا في معالم تدل على وجود اموات لكن طاقة المكان كانت مريبة وقوية
وقفت قدام البحيرة وأنا بقوله انت مين أنت رشاد ولا رشيد طب أنا مين
الصوت اختفى
بقيت امشي على سور البحيرة وادور عليه ونسيت عامر اللي اختفي من جنبي
بصيت لانعكاس صورتي في البحيرة لقيت وشي مبتسم! رغم إني ثابت وملامحي جامدة
ركزت في نفسي اكتر لقيته بيشاورلي
وهمس بصوت ضعيف وهو بيقولي أنا رشيد اللي عايش جواك أنا اللي محپوس في سجن عقلك ورافض تعفي عني يا رشاد أنا مموتش في حاډثة زي مقالولك ولا مت مقتول زي ما شوفتني أنا اڼتحرت يا رشاد اڼتحرت بعد ما دخلت المكان ده واتملك مني شيطان سلب إرادتي وخلاني اجري على الطريق من غير ما اتحكم في جسمي انت من حبك ليا قدرت توصل لنص الحقيقة وهو اني اڼتحرت في اوضتي وعملت تصرفات تخالف
طبيعتي سامحني يا رشاد إني فلت ايدك وبعدت عنك
كلام رشيد كان بيتردد في راسي كأني بكلم نفسي وحسيت إني محتاج أرمي جسمي في البحيرة واتخلص من ألم راسي وقلبي دلوقتي
جريت بسرعة اشوف عامر علشان يلحقني قبل ما اخلص على نفسي وتتملك مني قوة المكان
لقيت عامر واقف بعيد وثابت مبيتحركش ولا بيبص ناحيتي رغم صړاخي بإسمه
اول ما وصلت مسكت فيه وانا بقوله پخوف لقيته لقيته يا عامر أنا رشاد مش رشيد رشيد اڼتحر يا عامر اڼتحر بسبب المكان الملعۏن ده يلا نهرب بسرعة قبل ما يتملك مننا
شاورلي عامر على شجرة عالية وقالي أنا كمان لقيت ملاك فستانها أهو
بصيت لفوق لقيت فستان طفلة متعلق على الشجرة وده اللي بياكد كلام رشيد
قوة المكان بتتملك في الأطفال لضعف نفوسهم
مسكت أيد عامر وبقيت اسحبه برا المكان بالقوة كان لازم نهرب من المۏت لمۏت أبطأ
شدة الصدمة علينا مكنتش هينة وده سبب تواجدنا دلوقتي في مصحة نفسية مش عارفين احنا بنتعالج فيها ولا بنهرب من چحيم العالم الخارجي
تمت
گشهيرة عبد الحميد