مصيف الچحيم بقلم شهيرة عبد الحميد

وهي بتقولي منعم أنا مبخرفش والله البنت
وفجأة لقيتها بتشاور ناحية سلم الكافيه وبتقول اهي اهي البنت اهي
بصيت أنا والشاب ناحية ما بتشاور
ميار بتشاور على تمثال!
ازاي ميار وصلت بيها درجة التعب للدرجة دي وامته
خدتها ورجعنا الشقة بعد ما اعتذرت للشاب وحسيت بحرج شديد قدامه لأنه لاحظ تعبها وانفعالاتها علشان نصدقها
في الشقة كانت ميار في البلكونة قاعدة پتبكي كالعادة
حاسة اني بعيد عنها ومش هقدر احس بيها
رغم اني اكتر انسان حاسس بيها وجنبها
نفسي افرحها بأي شكل واخليها تفهم أن الأطفال دول رزق لو مش مكتوب لنا يكفي رزقي فيها وفي وجودها
دخلت قعدت في الكرسي ال جنبها وفضلت ساكت منتظرها تتكلم وتفضفض واول حاجة نطقت بيها ميار من بين دموعها اقولك سر يا منعم ويمكن متصدقنيش تاني
بصيت لها بحنان وقولتلها قولي يا حبيبتي سامعك ومصدقك في كل حرف هتقوليه
وقالتلي جملة مرعبة اوي البنت ال شوفتها في الكافيه شبه الطفل ال شوفته في الحمام كأنهم نفس النسخة وفي خصلة بيضا في شعرهم من قدام
معرفش ليه قلبي اتوجع وبدأت احس پخوف وطاقة غريبة في الشقة وسألتها تحبي نرجع القاهرة
ردت وقالتلي ارجوك في اسرع وقت لو دلوقتي مش همانع أنا تعبانة أوي هنا
مقدرتش اغامر بميار واعصابها يمكن فعلا في جزء من كلامها حقيقي
وقولتلها طب قومي يلا حضري الشنط وانا هحجز الاتوبيس وارجعلك على طول
نزلت جري يادوب لحقت حجز أخر سوبر چيت في الموقف ورجعت دخلت الشقة مش لاقي ميار!!
ميار انتي فين مياااار متقلقنيش
كنت بدور عليها في كل ركن مش لاقيها اتصلت عليها تليفونها محطوط على التسريحة!!
وقبل ما اټجنن وانزل ادور عليها في الشوارع سمعت صوت حاجة بتقع في الحمام!!
جريت فتحت لقيت ميار واقعة فاقدة الوعي وعلى رقبتها علامات زرقا غريبة كأن حد كان بېخنقها!
شيلتها على السرير وفاقت بعد ما وقعت قلبي واول ما فتحت عيونها فضلت تصرخ دبحتهم يا منعم دبحتهم أنا شوفتها بعيني والله الولد والبنت يا منعم كانت بتخنقني في رقبتي ومكتفاني
هرجلة ميار والصرع ال هي فيه خوفني واتصلت بصاحب الشقة زعقت له بعلو صوتي وطلبت منه يحضر حالا
لازم افهم كل شيء
ليه الشقة دي بسعر قليل اوي كده
ليه ميار بيحصلها كل ده
ميار بدأت تهدا لما وصل صاحب الشقة وال مع الضغط قالنا الشقة دي من سنين كتير سكن فيها أسرة صغيرة من أب وأم وعيلين صغار ولما ناموا الاطفال الأب حط نوع من أنواع المخدر لزوجته بغرض السكر ونزل يجيب طلبات لسهرتهم ولما رجع اتفاجئ أنها دبحت عيالها في الحمام تحت تأثير المخدر ده ! وللأسف الشقة من وقتها وروح الاطفال متعلقين فيها
وكل ما نجيب شيوخ يقولوا الدنيا تمام لكن ما زال الحال كما هو عليه
دلوقتي بس عرفت ليه ميار بس ال من أول دقيقة حست بطاقة الأطفال
وليه ظهرولها مظهروليش
لما رجعنا بيتنا بعد رحلة من محاولة معافاة ميار من ال شافته زورنا اخر دكتور وصدمنا بخبر أن مفيش أي فرصة للانجاب
مسكت يد ميار بقوة وسألتها قبل ما ټنهار كنتي تحبي تجيبي عيال متعذبين في الدنيا ومرضى أو يحصلهم أي ظرف زي الست بتاعت المخدر أو تجيبي عيل يخرج من دينه ويلحد ويكون ثمرة ونسخة سيئة في الدنيا رغم تربيتنا فيه
منار بدأت تستوعب كلامي وتهدا وهي بتردد الحمد لله
يمكن رحلة المصيف كانت مهلكة نفسيا علينا لكنها درس قدر يدي طاقة وصبر وإيمان اكتر لميار ال رضيت بقضاء ربنا
وبعد سنة واحدة بس ربنا كرمنا ب يسر
كل الحكاية كانت في الرضا
سيدنا عمر قال الخير كله في الرضا فإن استطعت فارضى وإن لم تستطع فاصبر
كونوا من الحامدين الصابرين
گشهيرة عبدالحميد