مصيف الچحيم بقلم شهيرة عبد الحميد

ومساحتها أقل شئ فيها ألف جنيه في الليلة
كنت فخور جدا بشطارة مراتي واهتمامها بكل التفاصيل وخۏفها على فلوسي وتقديرها دايما لمستوى حياتنا
لكني فوجئت بأن ميار اول ما دخلت الشقة فضلت ټعيط عياط هستيري غريب وتقولي ميزو ينفع نرجع البيت أنا حاسة بطاقة سلبية أوي في الشقة دي وقلبي مقبوض بالله عليك يلا نروح معلش !
ماكنتش فاهم السبب بل كنت متمسك بالمكان وسعيد بتغيير الجو وقولت جايز لأنها مش معتادة تقعد في مكان غير بيتنا ويعتبر دي السنة الأولى ال نطلع فيها مصيف من أول ما اتجوزنا
ماكنتش اعرف ان ميار قلبها حاسس بال حصل في الشقة دي زمان !!
يارتني كنت سمعت كلامها ومشيت ولا كنت شوفت انا وهي ال شوفناه
من أول ليلة دخلت الحمام خدت دش وبعدين دخلت ميار بعديا وجهزت نفسي علشان ننزل نسهر في كافيه على البحر واټصدمت بصوت صړخة عالية بتهز البيت كله جاية من الحمام !! من ميار
جريت على مراتي وقلبي مخلوع مني مش قادر استوعب شئ غير أنها وقعت اتزحلقت أو خبطت في حاجة واټأذت
فتحت الحمام عليها لقيت ميار ملفوفة ومستخبية في الهدوم عند الشماعة وبتعيط بأنهيار وبتشاور ناحية البانيو وهي بتقولي شوفت شوفت طفل
مش قادر استوعب شافت ايه ولا حصلها إيه سندتها وخدتها حاولت أفهم منها لكن لسانها كان متلجم ومش قادرة تنطق
حاولت معاها بكل ما أملك وهديتها الحمد لله وخليتها تلبس وخرجنا وانا جوايا متأكد أن ميار حالتها النفسية بدأت تسوء بسبب الاطفال والخلفة بدليل أنها قعدت تقول طفل في الحمام!
قعدنا على كافيه وكان الجو في منتهى الجمال والروعة كنت متأكد انها هتفك مع الأجواء وبالفعل بدأت تنادي على أطفال العائلات حوالينا وتلاعبهم وتتعرف عليهم وانا قاعد منتبه وسرحان للبحر
وبعد شوية وقت لقيت ميار بتقولي ميزو قوم استعجل الويتر قولها فين الايس كريم
انتبهت ليها وسألتها أيده بجد انتي طلبتي مخدتش بالي خالص ردت وقالتلي من بدري حضرتك في بنوتة من الاصتف جت سألتها وطلبتلنا ايس كريم بس الغريب أن البنوتة دي صغيرة في السن أوي يا ميزو هو في مكان محترم وكبير كده يشغل بنت عندها قيمة عشر سنين تاخد طلبات كده
استعجبت بردو الموضوع وقولت جايز بنت حد من المكان وناديت على أحد أفراد العاملين بالمكان سألته عن سبب تأخير طلبنا رد وقال لا حضرتكم لسه مطلبتوش ومحدش استلم منكم أي طلبات!!
ميار بدأت تنفعل وقالتله ازاي يعني مفيش في بنت صغيرة جت خدت مني الطلب من شوية
الشاب ضحك بسخرية وقالها بنت صغيرة ايه يا فندم تلاقيها كانت بتلعب مفيش حد في الاصتف بنات اصلا !
ميار بدأت دموعها تسبقها وبصتلي