مصيف الچحيم بقلم شهيرة عبد الحميد

طلعت اسوء مصيف في التاريخ وشوفت المۏت بعنيا حرفيا
عارف يعني إيه مراتك تقلب عليك بسبب دخول الصيف وأنها محتاجة تصيف وتشم شوية هوا رغم أنها لو دخلت البلكونة هتشم نفس الهوا عادي !
لكن كالعادة وبما أني زوج متاكل حقه كان لازم أراضيها لما جتلي بعد اسبوع نكد بتقولي ميزو ميزو وطالما فيها دلع فمراتي ليها طلب عندي مهو الرضا ده مش لله وللوطن
رديت وقولتلها يارب يهديكي يا ميار وميكونش اوردر المرادي عايز قبض شهرين قدام بصتلي بكل براءة وقالتلي يا عيون ميار مفيش حد هيخاف على فلوسك قدي دانت الحب والكنتالوب يا ميزو طب والله والله وما لك عليا حلفان أنا بقالي اسبوع بفاصل مع سماسرة السكن في الغردقة علشان اجيب ارخص سعر
كنت عارف أنها مش هتشيل موضوع السفر والمصيف من دماغها مهما حصل وسألتها اممممم وبعدين
ردت بفرحة وهي بتربع رجلها بحماس وبتقولي لقيتلك بقا يا ميوزة قلبي حتت شقة إنما اااااايييييههه خخخخرافة ومش هتصدق سعرها الراجل هيأجرلنا أسبوع بسعر اليوم ونقدر ناخدها شهر كمان لو حبينا
ماكنتش عايز احبطها واقولها أن نازل عليا خصومات الشهر ده من المرتب بسبب تأخير البصمة وسبتها تكمل أحلامها وقولتلها اه يا حبيبتي بكام بقا
متوقعتش السعر لما قالته وال فعلا خلاني أعيد كل ترتيباتي من جديد وقالتلي الاسبوع ب 500 جنيه بس شامل الكهربا والغاز هااااا دي فرصة متتعوضش انت لسه هتفكر علشان تعرف أن ميورة پتخاف على شقاك وتعبك وجبتلك سعر ولا في الخيال
قولتلها تسبني أفكر شوية وأحسب حسبتي قبل أي قرار ودخلت الاوضة أفكر في ميار وحالتها النفسية بسبب تأخير الخلفة
هي فعلا في حاجة لتغيير جو بعيد عن الدكاترة وضغط الحياة عليها اينعم احنا متجوزين من أربع سنين بس لكنها حاسة بتأخير مبالغ وده مأثر عليها نفسيا
وفي خلال زحمة أفكاري لقيت ميار داخلة عليا الاوضة في ايديها شنطة السفر وبتلم الهدوم من الدولاب!!
اټصدمت وقولتلها ميار بتعملي ايه هو انتي كل يومين عايزة تاخدي هدومك وتطفشي ما تهدي شوية قولتلك هفكر
وبكل سلام نفسي قالتلي لا يا حبيبي أنا بس لقيت النص ساعة بتاعت التفكير خلصت قولت اجهز الشنط وانجز وقت يلا اتصل بالشغل عندك بلغهم انك إجازة اسبوع أنا حجزت وبعتله الفلوس كاش من محفظتك
ملحقتش أفكر حرفيا ولقيت نفسي لابس في سفرية ومحبتش اكسر بخاطرها ولا أقلل من حماسها بشوية تردد وحسابات
كان عندي فضول كبير جدا تجاه الشقة أم 500 في الاسبوع دي ومن جوايا نية لو فعلا ارتحنا فيها ناخد أسبوعين مش أسبوع
وصلنا الغردقة واستلمنا الشقة من صاحبها وذهلت من روعة وتنسيق المكان
شقة زي دي على موقعها المباشر على البحر