طرزان بطل خارق بقلم شهيرة عبد الحميد

طب انتوا بتسألوا دلوقتي، يعني طرزان ده مش مجرد بشړي واخد صفات القرود؟ يعني هو بطل خارق؟.

الإجابة: نعم، طرزان بطل خارق.

ودليل على كلامي أن النمر "كلايتون" قدر ياكل أبوه وأمه، لكن مقدرش يقرب لطرزان!!

وده مش علشان طرزان كان مستخبي ولا نايم لأ، النمور والحيوانات المفترسة عمومًا حاسة الشم عندهم قوية جدًا، ومتقنعنيش أن الأب والام كانوا بيتاكلوا وبيصرخوا وهو كان نايم بكل هدوء مستحيل.

طيب كل ده هيتم اكتشافه إزاي في الجزء التاني؟ ومين اللي هيكتشفه أصلًا؟!.

اللي هيكتشف حقيقة طرزان هي زوجته "چين بورتر" واللي مننساش أنها عضوة في مجموعة إنجليزية للأبحاث.

طيب هتكتشف إزاي ؟!

كلنا شوفنا في نهاية فيلم طرزان أنه مقدرش يتأقلم على حياة المدينة ورجع هو و چين للغابة علشان يكملوا حياتهم فيها.

چين هتكتشف أن چروح طرزان بتختفي في أسرع وقت، بل طبيعة جسمه من الصعب أنها تتجرح وكل الچروح بتختفي كأنها محصلتش.

ده غير وهو نايم شعره بيبدأ يلمع ويضوي عكس لونه الطبيعي، ودي من العلامات اللي زادت من شكوكها لأنها على علم بالزهرة المسحورة.

وفي يوم چين هيحصل چرح عميق في كف أيديها، أو نقدر نقول هي هتكون قاصدة ټجرح نفسها علشان تستنجد بطرزان، اللي مش هيكون فاهم المفروض يعمل إيه ويعالجها إزاي، وهتطلب چين منه أنه يحط أيده على الچرح ويغمض عينه ويغني ويقولها "يا جوج يابنت الايه، خفي وناكل بانيه"

طبعًا دي كانت جملة هزلية من اختيار چين التافهة، لكن المبهر فعلاً لما طرزان قالها وهو مش فاهم معناها وچرح چين ألتئم!

أتأكدت چين من قدراته السحرية وقتها، وطرزان اللي كان عبارة عن مجرد نص بشړي ونص قرد وملوش قيمة أو فايدة، بقا أكبر دكتور معالج الناس بتجيله الغابة مخصوص يتعالجوا عنده.

وده أكبر دليل أن وراء كل رجل عظيم، امرأة عظيمة وجميلة وشطورة وقمورة، بتقدر تخرج احلى ما فيه وتقف جنبه لحد ما يتجوز عليها.

ملحوظة*
في جزء تالت هيتعمل سنة 2050 هتظهر فيه "جوثيل" لطرزان وتحاول تستفاد بقوته السحرية وهتساعدها وقتها "چين" لأنه اتنمرد عليها بعد ما عملته بني أدم وهيىحبسوه في بدروم البرج وهاتك يا ضړب طاسات.

گ/شهيرة عبد الحميد

كان معكم ديزني فرع إمبابة من شهيرة، نلتقي في هبداية جديدة.