طرزان بطل خارق بقلم شهيرة عبد الحميد

عجيب أوي إننا كلنا اتفرجنا على فيلم "طرزان" ومحدش فينا سأل إيه اللي يخلي أسرة بشړية يعيشوا في غابة كلها حيوانات مفترسة بدون ما يأمنوا نفسهم من المخاطر؟!

وده طبعًا مش خطأ من المؤلف لأ، دي ثغرة مقصودة لبداية حكاية جديدة هتبهرك اكتر من الفيلم نفسه.

عام 1999 نزل على الأرض قطرة ضوء من السماء ونمت مكان نزولها زهرة سحرية ذات قدرات متعددة.

ودي نفس الزهرة اللي استحوذت عليها "جوثيل" أو "الساحرة الشريرة" بفيلم رابونزل.

لما الملك "والد رابونزل" أمر بأقتطاف الزهرة دي لمعالجة زوجته اللي كانت حامل وقتها في رابونزل، جوثيل هربت وراقبت بيت الملك لحد ما خطفت بنته.

طب ده كله إيه علاقته بطرزان؟!

طرزان من أسرة أمريكية الچنسية، سمعوا بحدث الزهرة اللي انتشر وقتها بشكل رهيب، وطمعوا يكونلهم هما كمان نصيب من قوة الزهرة اللي كانت في نفس الغابة اللي فيها عشيرة القرود.

والدة ووالد طرازان مجانين استكشاف، لما عرفوا بسر الزهرة المسحورة كانت وقتها مامت طرزان حامل فيه، وحبت أنها تنجب طفل خارق مش مجرد بشړي عادي بدون أي ميزات.

وده السبب اللي خلاهم يغامروا في غابة زي دي.

انتظروا الأب والام لما انجبوا طرزان، وسافروا بسرعة على الغابة يبحثوا عن الزهرة اللي اتفاجئوا وقتها أنها موجودة برغم أن الملك أعلن اقتطافها، لكن كان طبيعي زهرة مسحورة زي دي تنمو مرة واتنين وتلاتة، وده السر اللي جوثيل مكتشفتوش وقتها، وبدل ما تنتظر الزهرة تنمو تاني، هربت وخطفت بنت الملك.