خطيب الندامة الجزء الثاني لـ شهيرة عبد الحميد

بس انه عايزني لشخصي مش لمجرد اني عروسة مناسبة وبس.
محتاجة اتحب وشخص يهتم بتفاصيلي وبنفسيتي.
شخص استمد منه قوتي المهزوزة علشان اكمل.
ويحسسني اني اجمل بنت شافها واطمن أنه مش هيشوف غيري ومكتفي بيا.
كان كلي خوف ياخد كلامي بنمط اني بتشرط عليه لأنه راجعلي ندمان لكن اتفاجئت أنه بكل حنية بيقولي أوعدك اعمل اي حاجة علشانك.
ورغم أن كلامه يبان مختصر لكنه عندي بكنوز الدنيا أنا عمري ما كنت ميالة لشخص يبهرني بالمال والهدايا والخروجات بقدر ما تبهرني الحنية والاحتواء وقت الضعف.
وعلشان عارفاه بيحب الكوميديا والهزار وصعب يتكلم جد كتير قولتله هتجبلي شوكولاته .
اتفاجئت أنه لأول مرة يفهمني ويحس أن حتى وقت الهزار لو جت كلمة حلوة هتكون عندي بالدنيا وقالي لا عشان عندك حساسية منها.
و النهاردة أنا وحازم اتجوزنا وبقالنا اربع سنين في استقرار ورحمة ومودة لمجرد أنه قدر يفهم شخصيتي وبساطتي.
قدر يفهم أن الاحتواء النفسي أهم من الهدايا.
وانه يسمعلي ويقدر مشاعري أهم من أنه يضحكني.
وبالمناسبة مودة دي تبقى بنتنا ال عندها سنتين دلوقتي.
_حازم أنت جيت يا حبيبي أخيرا اتاخرت كده ليه
كان واقف جنب الباب مخبي أيده ورا ضهره وسألني.
_هي مودة فين
_مودة بتلعب في اوضتها.. وريني بقا إيه ال ورا ضهرك ده متبقاش بايخ.
حاول يداري مني لكني بكل مهارة قدرت اوصل لل ورا ضهره واټصدمت لما لقيتها شوكولاته!!
وقبل ما انطق بأي كلمة لقيته بيقولي.
_والله عااااارف ومنستش
بس حرام عليكي مودة بتشوف الشوكولاته عند الناس بتفضحنا كأننا حارمينها.. وعلشان كده بهربلها كل مدة حتة من وراكي.
عمري ما ندمت اني اديت فرصة تانية لحازم وانتظرته يقربلي ويفهمني لأنه طلع أجمل بكتير مما كنت اتمنى.
مش بس عنده حنية قدرت تغطي على كل الاحتياج ال جوايا هو كمان أعظم أب لمودة وبيقدر يعدل بين اهتمامه بشخصياتنا المختلفة.
يمكن لو كان حازم شخص سطحي زمان وشافني تافهة علشان فركشت معاه في يوم المرأة العالمي ومفهمش المضمون الحقيقي ال جرحني ماكناش دلوقتي هنا.
كل واحد فينا محتاج يبعد شوية ويفكر ويتعمق في ال قدامه ويفهم أسبابه وده في حالة أنه فعلا بيحب من قلبه حقيقي.
وزي ما حازم كان محتاج فرصة يفهمني.
أنا كمان كنت محتاجة فرصة اصبر عليه.
گشهيرة_عبدالحميد.
بما أن الاسكربت الاخير على الصفحة ناس كتير مقدرتش تفهمه بالمضمون ال أقصده.. حبيت اوضح لكم اكتر مضمون ال أقصده هنا بشكل أفضل ويارب يعجبكم