ياسين بقلم شهيرة عبد الحميد

بقالي حوالي خمس سنين متزوجة ومن أول سنة ربنا رزقني ب ياسين ابني
ولاني إلى حد ما حد مشهور في مجالي ومعروفة ك Makeup artist وتقريبا مفيش يوم بيمر بدون شغل ومناسبات ف مسؤولية ياسين كانت صعبة جدا عليا.
في البداية كنت بسيبه عند ماما لحد ما تعبت ومابقتش قادرة على استضافة ياسين.. وقتها اضطريت ألجأ لحماتي ال من المفترض تكون أم تانية ليا.
في البداية كانت مرحبة جدا وقالتلي متشيليش هم يابنتي شوفي انتي شغلك وياسين في عيني... لكنها للأسف ماكنتش جديرة بالثقة!
لما سألتها قالتلي ان شكله عنده حساسية وأنها أكلته فراولة ومن بعدها حصله كده.
كان سبب منطقي وكافي إني أصدقها مهو مستحيل جدة ټضرب اول حفيد ليها بالشكل ده!
وتاني يوم كان العلامات هديت من وش ياسين والحمد لله وسبته تاني عندها وإذ اتفاجئ بأبني حرارته مرتفعة بشكل مرعب ومش قادر يتحرك ولا عينه ترمش.
سألتها لاتكون اكلته حاجة غلط لكنها حلفت أنه ماكلش غير سيريلاك فقط وتعب لوحده!
ابتديت اشك بسيط في تصرفات حماتي مع ياسين!
معقول بټأذي حفيدها
طب لو مش عايزاه ليه بتستقبله مني
حاولت بكل الطرق أبعد الشيطان عن دماغي وكان عندي حجز كبير تالت يوم.. كان ضروري بردو احتاج لحماتي وعلشان كده كتمت جوايا واطمنت شوية لما حرارة ياسين بقت كويسة بليل.
تالت يوم وده نقطة التحول نبهت على حماتي كويس اوعي تأكليه اي حاجة ابوس ايدك وبلاش يغيب عن عينك لايقع ولا يتعور ولا تخلي طفل من الجيران يلعب بيه أو ياخده.. وهي كان كل ال عليها بتقول حاضر.. حاضر مټخافيش ده في عيني.
قلبي كان موجوع طول مانا في شغلي وحاسة أن ابني حصله حاجة.. يادوب خلصت العروسة واعتذرت لباقي صحباتها ال عايزين ميكب سواريه واتصلت على زميلتي نورهان قولتلها تيجي تاخد الشغل بدلا عني.
رجعت جري على بيت حماتي ومن الشارع وأنا سامعة صړخة أبني.. ياسين.. صړخت بأسمه وطلعت جري زي المچنونة لقيت حماتي شايلاه والولد على صړخة واحدة مبيسكتش.
بقيت أفتش في كل حتة واسألها حصل ايه ماله.. كانت بټعيط وكل ال عليها بتقولي مش عارفة مش عارفة..
خدته منها حطيته على الكنبة وبقيت أقلعه هدومه قطعة قطعة علشان أفتش وأشوف هو موجوع من إيه!
واټصدمت صدمة عمري.
بصيت لحماتي وعيوني مطلعة ڼار من الڠضب.. وهي فجأة خۏفها ظهر عليها وبقت تقولي مش انا.. معرفش.. جت منين الولاعة طيب.
وقتها تأكدت أن مفيش غيرها بيأذي ياسين والسبب بالنسبالي مازال مجهول..!
مسكت اعصابي عنها وخدت ابني ونزلت جريت على اقرب مستشفى لحقته..
انتهى معايا يوم بشع كله تعب اعصاب وتوتر
ولقيت نفسي في نهاية اليوم لما ياسين نام على أيدي بسأل نفسي هو الشغل أهم من ياسين
معقول أنا السبب في ال حصله
طب لو كملت في شغلي إيه هيكون مصير ابني